Vieiros

Vieiros de meu Perfil


Fwwwrando

RSS de Fwwwrando
PIONEIRA EN EUROPA

A primeira boia mariña de producción de enerxía eléctrica xa funciona en Cantabria

Situada fronte á costa cántabra de Santoña, esta boia, de 17 toneladas de peso e sete metros de diámetro, é capaz de converter as ondadas do mar en electricidade.

Redacción - 12:59 10/10/2008
A boia instalada en Santoña

A boia instalada en Santoña

A catro quilómetros de distancia da costa e ancorada ao fondo do mar a boia ten unha potencia de 40 quilovatios creados cos movementos cíclicos das ondas mariñas.

O mecanismo do aparato permite que auga entre na bomba hidráulica e grazas ao movemento das ondas impúlsase o alternador que xenera electricidade.

Está preparada para soportar ondadas de un a cinco metros, de xeito que cando detecta que a altura das ondas é superior, o dispositivo desconéctase para evitar posibles danos.

Ibermar, compañía participada por Iberdrola, Total, OPT, o Instituto para a Diversificación e Aforro da Enerxía do Ministerio de Industria e a Sociedade para o Desenvolvemento de Cantabria, é a impulsora deste proxecto en cuxa fabricación parciparon 17 empresas cántabras.

Unha subestación mariña é a encargada, posteriormente, de conducir a enerxía xerada pola boia a través dun cable que se conecta á rede eléctrica para a súa distribución.

Iberdrola ten previsto situar un total de 10 boias na costa de Santoña que xerarán a electricidade que consumen 2.500 fogares nun ano e evitarán a emisión de 2.600 toneladas de CO2 anuais.

FWWWRANDO


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: