Vieiros

Vieiros de meu Perfil


Edición xeral

RSS de Edición xeral
Lapsus televisivo?

Cando os madrileños son os "españois", e os barceloneses, non (tamén en TVE)

Un presentador descúlpase por informar da derrota dos conxuntos de fútbol de Madrid fronte aos de Cataluña cun: "mal día para os equipos españois".

Redacción - 17:45 07/10/2008

O presentador de deportes de Televisión Española Jesús Álvarez cometeu o luns no telexornal do mediodía un suposto lapsus televisivo.

Á hora de informar dos resultados dos partidos de fútbol entre Barcelona e Atlético de Madrid e Real Madrid e Espanyol, con vitoria dos equipos cataláns fronte aos madrileños, afirmou que non fora "unha xornada boa para os equipos españois".

O xornalista desculpouse en directo este martes, afirmando que leva facendo a sección durante 12 anos e que a confusión se debera "á improvisación do directo". Rectificou dicindo que "evidentemente, quixen dicir 'equipos madrileños', xa que para min, como para toda a afección, o Barcelona e o Espanyol son equipos españois", polo que lle pediu desculpas á audiencia.

Nunha nota emitida pola dirección da televisión pública estatal, asegúrase que se "apoia total e absolutamente a Jesús Álvarez, un xornalista que leva máis de 30 anos en TVE e que desenvolve o seu traballo con rigor e profesionalidade".


4,69/5 (13 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: