Vieiros

Vieiros de meu Perfil


Edición xeral

RSS de Edición xeral
Este venres, máis negociacións

A estratexia electoral de McCain impide que o Congreso de EUA aprobe o 'plan Bush'

Unha minoría de republicanos di que unha intervención de tal magnitude -700 mil millóns de dólares- choca coa súa crenza no libre mercado.

Redacción - 09:30 26/09/2008

Aínda que esta quinta feira pola noite os líderes republicanos e demócratas do Congreso de Estados Unidos alcanzaron un acordo para aprobar o plan de George Bush para salvar a banca da crise, unha minoría de lexisladores republicanos botou abaixo finalmente a reforma. A razón esgrimida por estes é que unha intervención de tal magnitude -700 mil millóns de dólares- choca coa súa crenza no libre mercado.

No entanto, detrás desta negativa podería haber unha estratexia electoral do equipo de John McCain, tal e como claman os demócratas. Este aparecería nas próximas horas como o home capaz de convencer os republicanos díscolos en beneficio do país.

A bolsa rexistrou subas importantes ante a previsión de que saíse adiante, xa que un grupo de congresistas dos comités crave de ambas as dúas cámaras púxose de acordo nas grandes liñas que debería incluír o programa final. Porén, témese o peor para a sesión deste venres.

George Bush recibiu aos líderes do Congreso, a Barack Obama e a John McCain. Con todo, o encontro non deu ningún froito tanxible. Os lexisladores republicanos e demócratas continuarán este venres coas negociacións.


4/5 (5 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: