Vieiros

Vieiros de meu Perfil


Galego.org

Xestionado por Vieiros
RSS de Galego.org
NO DÍA DAS LINGUAS

O galego, lingua prohibida no Parlamento Europeo

O BNG denuncia que o PP segue a impedir que se poida falar no noso idioma nesta institución, cando si se pode empregar noutras administracións da U.E.

Redacción - 18:40 25/09/2008

No Consello de Ministros da Unión Europea, na Comisión Europea, no Comité das Rexións ou nas denuncias dirixidas ao Valdedor do Pobo. En todas estas institucións se pode empregar a nosa lingua previa comunicación. Non obstante, escoitar o galego no Parlamento da UE é aínda unha arela, unha reivindicación que o BNG defende dende que entrou na Eurocámara en 1999.

Este martes celébrase o Día Europeo das Linguas, unha data que os nacionalistas aproveitan para exixir que as linguas galega, vasca e catalá poidan ser empregadas polos eurodeputados de Galiza, Euskadi e Cataluña. Denuncian que o PP español está a impedir esta posibilidade a través da súa representación na Mesa do Parlamento Europeo. Segundo explica a voceira do BNG en Bruxelas, Ana Miranda, esta decisión vulnera o cumprimento da Carta Europea de Linguas Rexionais e Minoritarias do Consello de Europa. Na súa opinión, a estratexia de multilingüismo é interesante para ir cara unha Europa plurilingüe, polo que é necesario avanzar na situación das linguas non oficiais na UE.


Ligazóns

2,81/5 (16 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: