Vieiros

Finalmente houbo acordo entre os grupos que conforman o goberno bipartito. Os grupos parlamentarios do PsdeG e do BNG consensuaron unha proposta conxunta dos candidatos de Galiza para o Tribunal Constitucional. Esta candidatura, que será sometida a pleno no Parlamento, está conformada pola maxistrada Xosefa Otero Seivane, maxistrada na Audiencia Provincial de Ourense, e Nemesio Barxa, avogado que tamén exerce en Ourense.

Mentres, o PP presentará a súa proposta propia, que estará integrada por un catedrático universitario e un maxistrado. Sen embargo, os seus nomes aínda non se deron a coñecer. Nos últimos días, os tres grupos parlamentarios tentaron pechar unha proposta conxunta, porén non foi posible un acordo entre os tres grupos.

O pleno celebrarase este martes no Parlamento e a proposta deberá ser referendada por maioría simple. Os candidatos galegos sumaranse aos 32 nomes restantes que proporán, á súa vez, as demais comunidades autónomas (dous cada unha).