Vieiros

Un semanario electrónico marroquí, L'Observateur, asegura que o anterior presidente do goberno español, José María Aznar, é o pai da criatura que agarda a ministra francesa de Xustiza, Rachida Dati. A política, de orixe magrebí, solteira e de 43 anos, non quixo facer pública a identidade do pai, sobre a que especulan diversos medios do país galo.

L'Observateur cita "informacións fidedignas" que lle atribúen a paternidade a Aznar, e fai un repaso ao currículo da ministra.

Desmentido e accións legais
José María Aznar xa lles ordenou aos seus avogados que estuden accións legais contra os que afirmaron que é o pai do fillo de Dati. Ao se coñecer a nova, o ex-presidente do goberno español emitiu un comunicado onde asegura que son unha "total e completa falsidade" os "rumores aparecidos nalgún medio de comunicación".