Vieiros

Vieiros de meu Perfil


Galego.org

Xestionado por Vieiros
RSS de Galego.org
POLÉMICA

A Universidade de Vigo, que é socia do clube, descoñecía a existencia do documento lingüístico

Poucas horas despois de que trascendese o documento, a institución académica advirte que non foi consultada e prepara unha contestación.

Redacción - 21:40 02/09/2008
Tags:

A Universidade de Vigo fixo público a última hora da tarde dese martes un primeiro comunicado no que asegura que, a pesar de formar parte do mesmo, o Clube Financieiro non se puxo en contacto coa institución antes de publicar un controvertido documento no que se afirma que o castelán está en perigo no ensino primario e secundario.

Á espera dunha lectura pormenorizada do polémico informe, a Universidade de Vigo deu a coñecer o seu posicionamento a través de catro puntos que lles oferecemos integramente:

1.- O galego é a lingua propia da Universidade de Vigo e, por tanto a lingua deuso normal en todas as súas actividades, tal e como aparece reflectido nos estatutos da institución.


2.- A Universidade de Vigo está a realizar unha aposta polo plurilingüismo,plasmado en distintas campañas e iniciativas, elaboradas por expertos sociolingüistas, e ás que se teñen adherido numerosas entidades galegas, españolas e doutros países. Entre outras, a decisión de impartir, desde estecurso, docencia a partes iguais entre galego, castelán e inglés na licenciatura de Química.

3.- Existe un compromiso inequívoco por parte da nosa institución pola defensa da cultura galega e da competitividade das empresas. Neste sentido apostamos por unha formación integral do noso alumnado para que sexacompetitivo en Galicia e en calquera parte do mundo.

4.- Unha vez que coñezamos pormenorizadamente o informe do “Club Financiero de Vigo” faremos as oportunas valoracións sobre este desde unpunto de vista científico e técnico e como institución que forma parte do dito organismo.


5/5 (27 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: