Vieiros

Vieiros de meu Perfil


Edición xeral

RSS de Edición xeral
Conflito no Cáucaso

O parlamento ruso pediralle á Presidencia recoñecer a independencia de Abkhazia e Osetia do Sur

Está previsto que a Cámara Baixa aprobe este luns pola tarde unha proposta idéntica a aprobada na Alta pola mañá.

Redacción - 12:15 25/08/2008

O Consello da Federación, ou Cámara Alta do parlamento de Rusia, aprobou este luns pola mañá propoñerlle ao presidente Dmitri Medvédev que recoñeza a independencia das rexións de Xeorxia autoproclamadas repúblicas independentes, Abkhazia e Osetia do Sur.

Está previsto que a Duma Estatal (Cámara Baixa) aprobe de igual xeito esta tarde a mesma petición. Ao igual que na sesión da mañá, estarán presentes os dirixentes de ambos os dous territorios, Serguei Bagapsh e Eduard Kokoiti, respectivamente, informan as axencias locais.

"Solicito a Rusia que recoñeza a Osetia do Sur en calidade de Estado soberano e independente", manifestou o Kokoiti ao intervir ante os deputados rusos, e afirmou que o seu pobo "fixo todo por obter a independencia en estrita consonancia coas normas do Dereito Internacional".

"Stalingrado caucasiano"
Ademais, o dirixente sudosetio cargou contra o goberno xeorxiano: "O que fixeron en Osetia do Sur os líderes de Xeorxia non merece outro cualificativo senón Stalingrado caucasiano".

Bagapsh, o seu homólogo abkhazo, afirmou que ningunha das dúas repúblicas "xamais volverá formar parte dun Estado único con Xeorxia". "Como nacións pequenas, entendemos que un suxeito do Dereito Internacional (un Estado, a efectos xurídicos) ten máis obrigas que privilexios, mais asumímolo de xeito consciente para preservar as nosas etnias e as nosas linguas", declarou.


3.67/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: