Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
Agardando a estrada a Caneliñas

Demasiado tempo adicado a "xustificar os atrasos de Fomento", aponlle o PP a Touriño

O PP ferrolán di que os atrasos cos accesos ao porto exterior son exemplo dos incumprimentos e denuncia que o presidente da Xunta colabore na "burla" á comarca.

Redacción - 13:00 13/08/2008

Logo de anteriores incumprimentos, os accesos ao porto exterior de Ferrol anunciáranse para o segundo semestre de 2007, posteriormente para a primavera de 2008. A continuación díxose que un primeiro treito quedaría aberto o pasado mes de xuño. Agora comunican que en outubro se abrirá completo... Unha galería de incumprimentos que, segundo o deputado ferrolán Diego Calvo Pouso (PPdeG), é "unha burla" para a bisbarra.

"A día de hoxe podemos afirmar que Emilio Pérez Touriño mentiu deliberadamente o pasado 20 de xuño cando anunciou que a estrada a Caneliñas estaría finalizada en outubro", afirmou este mércores Calvo Pouso, criticando o atraso que acumulan as obras. En opinión do PpdeG, os traballos non avanzaron máis por falta de vontade política e interese do goberno español. Calvo repróchalle ao presidente do Goberno que pase máis tempo "xustificando os atrasos de Fomento" que "esixindo maior axilidade nas obras".


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: