Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Novidades do equipo olímpico galego

Aínda hai posibilidades para Gustavo Dacal e David Gómez

Os dous atletas lograron a marca mínima no galego para poder participar, a vindeira fin de semana, no Campionato Estatal, en Tenerife, onde podería chegar o pasaporte para Beixín.

Redacción - 12:30 22/07/2008
Os atletas galegos teñen outra oportunidade nos Estatais

Os atletas galegos teñen outra oportunidade nos Estatais

Esta fin de semana desenvolveuse en Pontevedra (no CGTD) o Campionato Galego de Atletismo, na categoría absoluta, cun bo ambiente competitivo. Moitos dos atletas participantes conseguiron a marca mínima precisa para competir a vindeira sexta feira e máis o sábado no Campionato Estatal que se ha desenvolver en Tenerife.

Entre eles están Gustavo Dacal (lanzamento de xavelina) e David Gómez (decatlón), dous atletas que aínda poden facer parte do equipo olímpico español. Para isto deberían facer a mínima olímpica en Tenerife.

Gómez fixo "dobrete" ao facerse cos títulos de 110 valados e pértega, ademais de ficar de segundo en lonxitude, terceiro nos 100 metros e cuarto en altura. Dacal fixo unha marca de 72,41 metros coa xavelina.

As outras marcas galegas
No Campionato Galego destacaron as actuacións de Darío Vázquez e Samuel Paz en 200 metros lisos; Jorge Silva nos 10 quilómetros marcha e Víctor Gallego en lanzamento de martelo. Os catro, alén de Dacal e Gómez, conseguiron praza nos Estatais. Tamén merece mención a "dobrete" conseguido por José A. Palomanes en lonxitude e triplo salto.

En martelo tamén destacaron as marcas de Isaac Vicente (que se achegou á mellor marca galega en promesa, os 67,41), Juan Barbosa, Ignacio Fernández ou Luís Comesaña.

Entre as mozas salientamos o traballo de Virginia Villar nos 100 metros lisos; de Lidia Casal nos 200 metros; de Paula Campanero, en pértiga; e de Eva Costas en peso. En disco destacou Mercedes de Santaló e en martelo Noelia Ferradanes, que fixo a mellor marca xuvenil galega.

Ademais, na categoría B-2 o atleta Gustavo Nieves bateu a mellor marca mundial en 5.000 metros, mais aínda queda o recoñecemento da Federación Española de Deportes para cegos.


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Cartaz do Campionato Galego Absoluto
Cartaz do Campionato Galego Absoluto
David Gómez vai a Tenerife procurando a mínima no decatlón
David Gómez vai a Tenerife procurando a mínima no decatlón
Gustavo Dacal, plusmarquista estatal coa xavelina, tamén podería estar en Beixín
Gustavo Dacal, plusmarquista estatal coa xavelina, tamén podería estar en Beixín
Un momento da proba de 1.500 feminino
Un momento da proba de 1.500 feminino