Vieiros

Vieiros de meu Perfil


Galego.org

Xestionado por Vieiros
RSS de Galego.org
CURSO DE VERÁN DA UDC

A achega da tecnoloxía á dinamización lingüística analízase en Carballo

Durante tres días presentaranse ferramentas sobre a lingua e analizaranse aspectos como a alfabetización dixital.

Redacción - 12:45 14/07/2008
Pazo da Cultura de Carballo

Pazo da Cultura de Carballo

As tecnoloxías da información tamén poden contribuír á normalización da lingua. Por iso, do martes 15 ao xoves 17 terá lugar en Carballo o curso de verán 'Traballando en lingua', sobre novas tecnoloxías e dinamización lingüística, que organiza o SNL da Universidade da Coruña co apoio do Concello de Carballo, a Coordinadora de Traballadores/as de Normalización da Lingua e a Deputación da Coruña.

Nas xornadas trataranse temas como a alfabetización tecnolóxica, a implantación das TIC en Galiza, o software libre, os recursos sobre o galego na rede ou as tecnoloxías lingüísticas. Participarán como relatores máis de 20 expertos de Cataluña, Estremadura e Galiza, para un alumnado formado por 60 persoas.

Inaugurarán o curso o delegado provincial de Industria, Xosé Luís Barcia, e mais Antonio Pérez Casas, que falarán da alfabetización tecnolóxica e do alcance das TIC en Galiza, o martes 15 ás 11 da mañá, no Pazo da Cultura carballés.

Na derradeira xornada da actividade participará parte do equipo do filme Pradolongo, que se proxectará ás 22:30 na Praza do Concello de Carballo.


Ligazóns

5/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: