Vieiros

O ex editor do Wall Street Journal Paul Steiger lanzou o seu novo sitio web ProPublica, con historias orixinais, enlaces a outros medios e un novo 'Monitor de Escándalos'.

Segundo unha información de Editor&Publisher (E&P), nunha primeira mensaxe, Steiger, editor en xefe, e Steve Engelberg, editor xeral, explican que o obxectivo de ProPublica é cubrir historias sobre violacións á confianza pública e abuso de poder que doutro xeito pasarían inadvertidas, do mesmo xeito que seguir o rastro a investigacións en curso noutros medios.

Unha das seccións máis destacas do novo sitio chámase Scandal Watch, que segue as cinco investigacións máis destacadas do momento noutros medios, segundo a selección dos editores de ProPublica e ordenadas segundo cuán ampla sexa a cobertura, engade E&P.

O sitio tamén contará con contido orixinal, publicado en cooperación con medios asociados, ademais de análises de novos noticias actuais e seleccións de xornalismo de investigación en liña en EEUU.