Vieiros

A Axencia Espacial Europea aprobou o proxecto liderado pola Universidade de Vigo coa colaboración de Retegal para o desenvolvemento dun picosatélite (sátelite de tamaño moi reducido), que permitirá a participación do nosos país no voo inaugural da lanzadeira espacial Vega.

A previsión é que o trebello -Dieste, chámanlle- se poña en órbita este inverno. As súa funcións comprenden a investigación no campo das comunicacións dixitais, a mellora dos sistemas fotovoltaicos satelitais e o desenvolvemento de metodoloxías para a xestión de satélites de comunicación.

A iniciativa, participada tamén polo Instituto Xeral de Técnica Aeroespacial, polo ministerio español de Innovación e mais pola Axencia Espacial Europea, non persegue a explotación comercial, senón que ten un carácter científico e educacional, segundo explicou o Goberno tras o Consello da Xunta desta quinta feira.

Dieste, que foi seleccionado xunto a outros sete proxectos de entre máis de 25 presentados, sitúa a Universidade de Vigo nunha das oito universidades líderes a nivel europeo no desenvolvemento de picosatélites.