Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
O Cidade de Lugo domina tamén no triatlón

Agnes Eppers e Adrián Vázquez gañan en Pravia

Os dous duatletas fixeron os mellores tempos absolutos nesta "proba estatal", puntuábel para a clasificación individual.

Redacción - 11:20 04/06/2008
A fotografía do podio feminino, con Agnes Eppers no centro

A fotografía do podio feminino, con Agnes Eppers no centro

O pasado domingo, en San Sebastián de Pravia (Asturias) desenvolveuse a quinta edición do campionato de triatlón, considerado pola federación española como "proba estatal", puntuábel para a clasificación individual.

A proba disputouse en distancia sprint (750 m de natación, 20 km sobre a bici e 5.000 metros de carreira a pé) e nela destacou o traballo feito polos atletas do Cidade de Lugo Club Fluvial que gañaron na categoría absoluta feminina e masculina.

Na feminina foi primeira a boliviana Agnes Eppers (que fundamentou o seu triunfo no dominio na carreira ciclista e a pé e que gañaba, por segundo ano consecutivo, esta proba); na masculina o lugués, da sub 23, Adrián Vázquez Fernández (que destacou pola súa regularidade nas tres probas).

Son de destacar tamén o cuarto posto de Noelia Mora, e o oitavo da júnior de Ribadeo, Yolanda Campa, cos que o Cidade de Lugo Club Fluvial se impuxo tamén por equipos na categoría feminina. O equipo masculino acadou o segundo posto, por detrás do Academia Civil-El Musel de Xixón.

Clasificación completa da proba

Clasificación elite femenina
1. Agnes Kay Eppers (Cidade de Lugo Fluvial) 1.18:16
2. Ruth Gómez (Academia Civil-El Musel) 1.19:04
3. Susana Coto (Ciudad de Gijón) 1.21:17
4. Noelia Mora (Cidade de Lugo Fluvial) 1.21:29
5. Mónica Incera (Universidade de Vigo) 1.21:57

Clasificación elite masculina
1. Adrián Vázquez (Cidade de Lugo Fluvial) 1.05:48
2. Alberto González (Academia Civil-El Musel) 1.06:16
3. Alejandro Pérez (Triatlón Ferrol) 1.06:28
4. Sergio de Torres (Academia Civil-El Musel) 1.06:50
5. Daniel Muñiz (Academia Civil-El Musel) 1.07:11


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: