Vieiros

Un axente de seguridade do cárcere de Belmarsh, en Londres, tivo que ser trasladado pola acusación de lle chamar "Alá" ao seu can. Un dos detidos, de relixión musulmá, presentou unha queixa contra el, convencido de que lle dixera ese nome ao animal, un labrador branco.

Aínda que o garda tentou explicar que o seu can se chama Alí e non Alá, ao final acabou afastado da cadea, onde se atopan presos moitos extremistas islámicos. Segundo fontes citadas polo xornal The Sun consideran "escandaloso" o xeito en que se produciu o traslado do traballador.