Vieiros

Vieiros de meu Perfil


Edición xeral

RSS de Edición xeral
Grande seca e aumento de prezos

A fame podería matar en poucos días miles de nenos en Etiopía

Unicef alerta de que perto de seis millóns de nenos menores de cinco anos poden padecer desnutrición aguda se non chega axuda axiña.

Redacción - 17:35 20/05/2008
Cómpre axuda inmediata, di a ONU

Cómpre axuda inmediata, di a ONU

Unicef alertou, a través dun comunicado, que perto de seis millóns de nenos menores de cinco anos corren o risco de desnutrición aguda debido a continuada seca das últimas semanas. Ademais, o Programa Mundial de Alimentos (PMA) asegura que é probábel que se esgoten os abastecementos de comida licuada, suplemento especial para nenos e outros grupos vulnerábeis, en pouco tempo.

"O goberno etíope, a ONU e varias organizacións non gobernamentais están respondendo á crise, mais o problema é tan grande que se precisa máis axuda para poder atender a todos os afectados durante as próximas semanas e meses", sinalou John Holmes, secretario xeral adxunto da ONU para Asuntos Humanitarios.

A principal causa desta fame negra en Etipopía, ademais da seca, mais o aumento dos prezos no país africano tamén contribuíu ao deterioro da situación. O PMA estima que, entre setembro de 2007 e febreiro de 2008, o prezo do millo aumentou un 83% e o do trigo un 54%.


4,5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: