Vieiros

Tampouco apareceron as memorias SIM de cinco móbiles que pertencían a algúns dos líderes paramilitares extraditados o martes a Estados Unidos.

Outros medios colombianos, e a revista de Semana, destacan que foron atopados completamente desvalixados cinco dos ordenadores dos xefes paramilitares extraditados esta semana aos Estados Unidos, e que permanecían recluídos no Cárcere de máxima seguridade de Itagüí, segundo fontes da Fiscalía.

A desaparición da información produciuse despois de que, de xeito sorpresivo, o goberno de Álvaro Uribe extraditase a 14 xefes paramilitares o pasado martes, segundo dixo o goberno, porque seguiran delinquindo desde os cárceres e porque non estaban colaborando debidamente co proceso de Justicia y Paz.

É aínda máis incríbel que, sabendo o goberno colombiano que os paramilitares seguiran delinquindo, non incautase rapidamente estas equipas de informática, apenas foron sacados da prisión para ser levados ao aeroporto, rumbo a Estados Unidos.

Os investigadores tamén ían con interese de coñecer os números de móbiles que gardaban nas memorias dos seus teléfones, pero estas tampouco apareceron.

A Dijín explicou que os seus homes non tiveron ningún contacto cos aparellos, senón que soamente foron polos ex "paras" e leváronos ao aeroporto.Algunhas vítimas, que son as máis interesadas en que se coñeza toda a verdade, dixéronlle a Semana.com que temían que os detalles e as razóns que estaban detrás dos desaparecidos dos masacres quedasen ocultas para sempre.

Agora, que non aparecen os arquivos, podería ocorrer que se morra a verdade ou que sexa distorsionada e a vontade do que recorden os xefes paramilitares desde Estados Unidos, onde algúns manifestaron a súa vontade de seguir contando a verdade e reparar ás vítimas.

Denuncian en Bogotá, a fundación de vítimas do paramilitarismo, que coa esta extradición dos xefes e a desaparición da información dos ordenadores, o goberno do presidente Uribe, busca "impedir que se identifique aos cómplices políticos, militares e económicos, unha parte dos cales están sendo investigados pola Corte Suprema de Xustiza".

Entre os extraditados figuran Salvatore Mancuso, Diego Fernando Murillo (alcumado Don Berna), Francisco Javier Zuluaga (alcumado Gordolindo) e Rodrigo Tovar Pupo (alcumado Jorge 40).