Vieiros

30 mil barrís de petróleo diarios será o envío desde Venezuela a Portugal, a finais de 2008, como parte dos acordos subscritos onte martes polo presidente venezuelano e o primeiro ministro portugués.

Así o informou o presidente Hugo Chávez desde o Palacio de Miraflores, onde tivo lugar a firma dos 14 instrumentos de cooperación, incluído o mencionado contrato de subministración.

O xefe de Estado venezuelano sinalou que o acordo comezará co envío de 10 mil barrís diarios depetróleo que irán à refinaría portuguesa de Sines, situada a uns 150 quilómetros de Lisboa.

O convenio foi asinado polo director de Petróleos de Venezuela (Pdvsa), Eulogioel Pino, e Manuel Ferreira de Oliveira, director da empresa Galp Enerxía.

Cómpre destacar que 30 mil barrís de petróleo aos prezos actuais implican unha cifra anual próxima a mil millóns de dólares, o presidente Chávez pontualizou que o que se expón a Portugal é que cancele ese monto en bens, servizos e tecnoloxía nas áreas de alimentación e medicamentos.

Sinalou que estes instrumentos complementan a alianza que se comeza a tecer coa República Portuguesa, similares aos que mantén Venezuela con Arxentina, Brasil e Uruguai, por exemplo.

Os acordos subscritos son os seguintes:

Acordo complementar ao Acordo Marco de cooperación entre a República de Venezuela e a República Portuguesa en materia de cooperación económica e enerxética. Activa, 14 anos logo da firma, o acordo marco entre os dous países, adaptándoo á nova realidade internacional. Crea a comisión de seguimento que supervisará os rubros do intercambio.

Acordo complementario ao Acordo Marco de cooperación entre Portugal e Venezuela, cuxo obxectivo é precisar os detalles técnicos para as modalidades de pago e de compensación do intercambio de enerxía por alimentos, bens e servizos.

Contrato de subministración de petróleo por parte de Pdvsa Petróleo, S.A. a Petrogal, S.A. e acordo de estudo conxunto para o Bloque Boyacá na Faja Petrolífera do Orinoco entre Pdvsa e Galp Energia.

Acordo Marco entre Pdvsa e Galp Enerxía para constituír unha empresa mixta de transporte e licuefación de gas natural (Tren 1). Outro acordo similar para constituír unha empresa mixta de transporte e licuefación de gas natural para o Tren 2.

Memorando de entendemento entre Pdvsa e Galp Enerxía para construír o plan piloto de xeración de enerxía eólica na Guajira, Chacopata e Nueva Esparta.

Acordo entre Bariven e Vetragri para adquirir 5 mil toneladas de leite en po. Outro acordo entre Bariven e Cereales SGPS, para adquirir 7 mil toneladas de pasta, e un terceiro entre Bariven e Sovena Oleaginosa Portugal para adquirir 21 mil toneladas de aceite de soia.

Acordo complementar ao Acordo Marco de cooperación asinado no ano 1994, para promover o desenvolvemento das relacións turísticas entre ambos os Estados.

Acordo entre ambos os países sobre actividades remuneradas por dependentes do persoal diplomático, consular, administrativo, técnico de misións.

Memorando de entendemento entre o Ministerio do Poder Popular para Relacións Interiores e Xustiza e o Ministerio de Xustiza de Portugal para evitar o tráfico de estupefacientes e a lexitimación de capitais asociados. Finalmente, un acta convenio para reparar tres barcos de PDV Mariña; estes son Negra Hipólita, Manuela Sáenz e Negra Matea.