Vieiros

Vieiros de meu Perfil


Edición xeral

RSS de Edición xeral
Non convocarán xuntanza do Consello

A executiva do SLG acusa os críticos de actuaren por "consignas" de Medio Rural

A dirección do Sindicato Labrego rexeita as acusacións e di que as queixas son promovidas por sectores que queren "unha dirección dócil" fronte ao Goberno.

Redacción - 13:30 13/05/2008

A executiva nacional do Sindicato Labrego Galego cualifica de "falsas" as acusacións realizadas este luns por un grupo de sete militantes da formación sindical.

Nun comunicado, a executiva do SLG expón que "non hai ningún motivo para convocar unha xuntanza extraordinaria da Dirección Nacional". En relación á presunta parálise nos temas do leite e do viño que argumentaban os críticos, sosteñen que as decisións están sendo tomadas con normalidade nas direccións sectoriais e nas asembleas comarcais correspondentes.

De paso, atribúen as críticas á posición enfrontada coa consellaría do Medio Rural mantida polo SLG en diversos ámbitos. Refírense por exemplo á postura contraria do sindicato "fronte á privatización dos servizos de aconsellamento ás explotacións" ou ao proceso de negociación sobre os prezos do leite.

"Este grupo de persoas unicamente responde ás consignas recibidas dende a consellaría do Medio Rural", opinan, ao tempo que aseguran que a comparecencia dos críticos este luns ten que ver "cunha estratexia que se define conxuntamente co Xefe de Gabinete da Consellaría e co Delegado Provincial da Consellaría en Lugo". "É a continuación da estratexia iniciada xa no proceso congresual do SLG por parte da Consellaría, co obxectivo de ter unha dirección dócil e que escriba ao seu ditado", din.


4,1/5 (10 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: