Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Tiro con arco

Unha galega queda terceira no Campionato estatal de Tiro con Arco Tradicional

Teresa Veira, do Clube de Arqueiros de Cambre, chegou ao podio esta fin de semana en Guijuelos (Salamanca). A pasada fin de semana tamén se desenvolveu o galego desta especialidade.

Redacción - 12:55 12/05/2008
Cartaz do Campionato Galego

Cartaz do Campionato Galego

Teresa Veira, do Clube de Arqueiros de Cambre, quedou esta fin de semana terceira na categoría de tiro con arco tradicional recurvo feminino nos Campionatos Estatais.

Veira é tamén a campioa galega desta modalidade do tiro con arco, título que conseguiu a pasada fin de semana (a do 3 e 4 de maio) en Casal (Cambre), no campionato nacional, no que subiu ao podio por diante de Lucía Fernández Rodríguez e Elena Rietz Paz.

Os outros campións galegos foron:
En Arco recurvo nu masculino, Ariel Álvarez Corvaia, seguido de César Bermúdez Blanco e Juan Tamayo Riera.

En Arco recurvo nu feminino, Noemi Dobaño García, seguida de Noelia Pena Pardo e Xiana González Pico.

En Longbow masculino, o campión foi Óscar Casal Rodas, que estivo acompañado no podio de Miguel Edreira Martiñán e Eugenio Casal Rodas. E en Arco recurvo tradicional masculino gañou José Antonio Castro Muñiz, seguido de David Romero González e Óscar Novas Seijas. A categoría Longbow feminino quedou deserta.


Ligazóns

2/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: