Edición xeral
Acusan un estadounidense de contrabando de meteoritos
As autoridades do estado de Entre Ríos descubriron os feitos porque Michael Farmer o contou na súa web.
Así se amosou na televisión arxentina a caída do meteorito
As autoridades da provincia arxentina de Entre Ríos denunciaron un coleccionista estadounidense, Michael Farmer, por presunto contrabando de meteoritos. Segundo fontes oficiais, o 'cazameteoritos' levou até os Estados Unidos 6 quilos dun corpo caído o 6 de abril no territorio arxentino.
O Museo de Ciencias Naturais e Antropolóxicas do distrito presentou a denuncia perante a delegación arxentina da Interpol e na dirección de aduanas. A proba do delito foi, segundo explicou á axencia Télam o presidente da Asociación Entrerriana de Astronomía, Luis Trumper, a web do propio Farmer, "comerciante, traficante e coleccionista estadounidense" que relatou a súa expedición na rede.
Trumper recoñece que tamén houbo traficantes arxentinos e doutros países que levaron parte do meteorito, que é "patrimonio da nación arxentina".
Novas relacionadas
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto