Vieiros

Vieiros de meu Perfil


Edición xeral

RSS de Edición xeral
ASISTENCIA NO SERGAS

Touriño recoñece que hai “disfuncións” en determinados hospitais

Asegura que a Consellaría de Sanidade está traballando para evitar que se sigan a adiar durante meses as citas con especialistas públicos.

Redacción - 14:20 24/04/2008

O presidente da Xunta, Emilio Pérez Touriño, admitiu a existencia de “disfuncións puntuais” en hospitais do Sergas. O máximo mandatario galego tivo que saír a defender a xestión da Consellaría de Sanidade logo de que trascendese que hai hospitais públicos colapsados que están a traballar con axendas pechadas á hora de proporcionarlle cita aos usuarios, o que provoca graves retrasos na asistencia.

Diante das preguntas constantes dos xornalistas, Touriño dixo que non quería ser “triunfalista” pero mostrouse convencido de que Sanidade está a facer todos os esforzos para paliar a situación.

Axudas para a rehabilitación de vivendas
O presidente da Xunta fixo estas declaracións ao remate dun Consello da Xunta no que tamén se aprobaron as subvencións para a rehabilitación de vivendas no rural e en conxuntos históricos. Coa modificación do decreto proposta pola Consellaría de Vivenda, a contía máxima das axudas pasa, en cada caso, de 8 a 24 mil euros. Outra das novidades é que os solicitantes poderán cobrar até o 50% da obra no momento de presentar as facturas, os certificados de obra e a documentación fotográfica.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: