Caixa Galicia crea a súa canle propia en YouTube
Caixa Galicia creou a súa propia canle na plataforma 'YouTube', que utilizará para mostrar os contidos audiovisuais máis representativos das diferentes áreas do grupo: financeira, acción social a través de Fundación e Obra Social, Corporación Caixa Galicia e Escola de negocios, entre outros
En CaixaGaliciaTV a entidade bancaria ofrecerá, ademais, asesoramento e axuda para mostrar aos clientes demostracións de funcionamento de sistemas como a banca electrónica; mercadotecnia e campañas comerciais e difusión de eventos corporativos.
O sitio web propiedade de Google, cunha media 72 millóns de visitantes únicos ao mes, permite aos usuarios subir, ver e compartir clips de vídeos. No caso de Caixa Galicia ofreceranse algúns vídeos que xa están a disposición dos clientes a través de pantallas distribuídas en moitas das oficinas da rede comercial así como nas sedes de Fundación e Obra Social.
CaixaGaliciaTV conta actualmente con máis de 20 vídeos subidos a esta plataforma e espera chegar á publicación de máis de 100 nos próximos meses, segundo informou hoxe a entidade financeira.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto