Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Todo o mundo pode correr canda el

O facho olímpico galego sae esta quinta feira da Torre de Hércules

Olímpicos/as galegos/as de hoxe e de onte, ademais de deportistas de elite e nenos e nenas, han portar o lume.

Redacción - 19:30 01/04/2008
O facho ha partir da Torre de Hércules

O facho ha partir da Torre de Hércules

Comeza a conta atrás para os Xogos Olímpicos e Parolímpicos de Beixín e Galiza tamén está representada, e ademais por deportistas con opcións de lograr medalla (Gómez Noya, David Cal, Paz e Echávarri...) e facernos partícipes dos seus éxitos.

Para apoialos a Consellaría de Cultura e Deporte vai xuntar ámbolos dous conceptos principais do seu nome para organizar o percorrido que vai facer o noso facho olímpico propio, que ha partir esta quinta feira da Torre de Hércules (escollida por ser, ademais, candidata para ser elixida Patrimonio da Humanidade pola UNESCO).

Todo o mundo pode acompañar o facho olímpico galego
A vindeira quinta feira 3 de abril, a partir das 17:00 horas, o facho galego sairá da Torre portado por deportistas de onte, de hoxe e de mañá, olímpicos/as galegos/as, deportistas con opcións de acadar a súa primeira participación olímpica, nenos e nenas das escolas municipais da Coruña e todo aquel que queira acompañalos.

Hanse correr case catro quilómetros até a explanada do Pazo dos Deportes, onde estará colocada a carpa "Galiza, nos xogos olímpicos de Beixín" e onde será presentado o programa da Dirección Xeral para o Deporte para dar a coñecer as Olimpiadas, as diferentes modalidades deportivas e aos e ás nosos/as deportistas que estarán presentes neste Xogos, e os que estiveron presentes nos pasados.


1,67/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: