Vieiros

A letra grega 'pi' é o símbolo do radio da circunferencia dun círculo ao seu diámetro; é dicir, representa o número que se consigue ao dividir a primeira polo segundo: aproximadamente tres partes e un oitavo; exactamente, 3,1415926535...

En realidade non hai un 'exactamente', xa que o número pi é irracional, o número de decimais é constante, así que redondeando úsase como 3,14. O 14 de marzo (3/14, segundo o formato estadounidense), día que coincide ademais co aniversario do nacemento de Albert Einstein, celébrase cada ano o Día Pi.

O uso da letra grega provén da inicial das palabras de orixe grega periferia e perímetro dunha circunferencia. Segundo apunta a Wikipedia, esta foi usada por vez primeira en 1706 polo matemático galés William Jones e popularizada polo matemático Leonhard Euler na súa obra Introdución ao cálculo infinitesimal de 1748.

A constante infinita do número pi esperta a curiosidade de moitos científicos. Algúns matemáticos pensan que se puidesen atopar un mínimo patrón na secuencia de números que o compoñen, este descubrimento suporía un antes e un despois no coñecemento humano do universo.

A maior aproximación até o de agora realizouna en 2002 un enxeñeiro informático xaponés, que calculou 1,24 trillóns de díxitos de pi.