Vieiros

Nun comunicado, o PP pontevedrés láiase de "numerosos erros" rexistrados durante a xornada do 9M e cita presuntas irregularidades nos concellos de Mos, Dozón e Lalín. Aseguran os populares que estes municipios son exemplo de casos onde "non coinciden os datos de Interior cos que rexistran as actas do escrutinio". Así, cren desde o PP que a alteración do cómputo xeral de sufraxios na provincia "só lle afecta aos resultados obtidos polo PP" e aseguran que o partido "sae prexudicado en centenares de votos". Por este motivo, o PP esixiulle á Xunta Electoral Provincial "un novo reconto".



Por outro lado, o PP tamén fai contas arredor dos votos chegados da emigración, que neste 2008 enviou até un 20% máis de sufraxios. Aos populares cumpriríanlles arredor de 25 mil votos procedentes de emigrantes pontevedreses para quitarlle ao BNG o escano obtido o 9 de marzo en Galiza. Hai catro anos, o PP obtivera nesta circunscrición un total de 17.327 apoios entre os emigrantes.