Vieiros

Vieiros de meu Perfil


Edición xeral

RSS de Edición xeral

Choiva ácida no polígono de Sabón

O Concello de Arteixo investiga a algunhas fábricas de Sabón por provoca-la choiva ácida, en forma de restos tóxicos sulfurosos que caen sobre o entorno de Rañobre.

- 11:43 22/03/1999
Tags:

Os veciños do lugar de Rañobre, en Arteixo, levan meses pedindo unha forte medida contra o causante da contaminación que padecen. O Departamento Municipal de Medio Ambente, que leva un ano funcionando, estase volcando con este problema.

Os técnicos detectaron indicios de choiva ácida, en Rañobre e noutros lugares, e investigan a varias empresas do polígono de Sabón para atopar á posible culpable.

Os veciños de Rañobre culpaban á central térmica de Sabón pero, polo que se puido saber, o seu período de mantemento é moi corto e ademáis utiliza fuelóleo, que nunca provoca choiva ácida.

Para que se produza choiva ácida é necesario que no proceso productivo se utilice o xofre.

A central térmica de Sabón produce un ruido estridente e agudo cando se abren as turbinas, pero este problema, a parte de ser molesto, non semella ser ilegal. No Concello non teñen os aparellos necesarios para medi-lo nivel de ruido e ademáis, este feito prodúcese habitualmente de noite.

Roberto Catoira


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: