Vieiros

Ao mesmo tempo varios centos de alegacións modelo individuais de 2 páxinas, que cuestionaban en 9 apartados o diseño xeral do PXOM e nas que se solicitaba que "se procedera á corrección das deficiencias denunciadas e se dera unha resposta razoada ó alegado en aplicación do artigo 86 da Lei 30/1992 do RXAP e o PAC", están tamén a ser rexeitadas co peregrino comentario de "non se acepta a alegación porque non xustifica suficientemente o solicitado". Unha maioría  das alegacións das máis de 1800 presentadas tamén van ser desestimadas sin máis.

O PXOM promove a construcción de arredor de 6000 vivendas en 8 anos, o que suporía o duplicado da edificación e da poboación actual (máis de 18.000 habitantes), cando a poboación residente non subíu apenas un cento de habitantes nos últimos 20 anos (contando nacementos menos defuncións) e non se prevé que supere o medio milleiro nos vindeiros 10 anos, segundo previsións do propio PXOM;  todo elo a traveso da recalificación de perto de 3.000.000 de m2 de solo rústico de protección agrícola, forestal, de costas e de espazos naturais, incluídos os espazos protexidos do Carballal de Coiro e os Montes do Morrazo (este afectado por 3 proxectos de parques industriais, un de máis de 600.000 m2 na mesma cabeceira do río da Fraga), sin ningún estudo de impacto ambiental, co grave e irreversible impacto ambiental que eso supón, ó que habería que engadirlle o considerable aumento do gasto de auga potable, enerxético, de utilización transporte privado e da xeneración de residuos sólidos urbanos e de augas residuais que sopesarían por enriba da xa de por si problemática situación  actual para o municipio e a ría de Vigo. Con respecto ó patrimonio cultural e arqueolóxico o informe presentado polo PXOM estaba cheo de erros, fallas de ubicación e cuantiosas omisións, tal como alegáramos, e a Dirección Xeral de Patrimonio xa informou desfavorablemente en varias ocasións e o único que fixo o concello e contratar a unha empresa privada para que lle fixera un traballo de catalogación que apenas durou un mes e namentres é escandaloso ver como, por exemplo, o PXOM sigue a apostar por construir por convenio dúas torres de edificios de 8 alturas máis dous edificios posteriores a carón do pazo de Mendez Núñez, do século XIX ou outro tanto coa urbanización conveniada polo concello con PROMALAR a carón pazo de Concepción Arenal, tamén do mesmo século XIX e auténticos pulmóns verdes da asfixiante barriada do Real, o asentamento do Ramil e Finca de Castroviejo, tamén afectados por outro convenio, que aparte de patrimonio cultural tamén o son natural a traveso do monte e a carballeira a menos de 200 metros da ría e en solo rústico protexido de costas, por non falar da cantidade de hórreos, pombais, fontes, lavadeiros públicos, muiños ... do patrimonio etnográfico e civil que están sin catalogar e a desaparecer e asentamentos prerromanos, castros, petroglifos e mámoas que a pesares de estar catalogados unha maioría están con erro de descripción e mal ubicados e o que é pior abandoados pasto nos últimos anos da rapiña urbanística, dos recheos nos montes e das malas prácticas cidadanas por falla real de protección, posta en valor e mantenimento.

Está a favorecer a especulación urbanística "pura e dura" sen estar aprobado definitivamente, como está a suceder por exemplo na zona de Albariños, na parroquia de Tirán, onde un colectivo de veciños/as  propietarios "coa portavocía dunha persoa pertencente á empresa promotora Inmordos" e "vinculada a FADESA" están a presionar con todo o descaro para que o concello lles conceda a catalogación de solo urbanizable consolidado para construir perto de 600 vivendas onde actualmente está protexido como solo rústico agrícola e cando a Xunta xa lle informara desfavorablemente no seu momento ao concello da súa proposta de recalificación como solo urbanizable non consolidado para o lugar. A traveso do seu vínculo directo coa ubicación da subestación eléctrica (foi acordado polo concello e Unión FENOSA e incluido dentro da proposta apresentada polo concello á Xunta en decembro de 2006 de "escepcionalidade" para o PXOM á Lei 9/2006 de avaliación estratéxica ambiental), tamén está a xenerar polémica e rexeitamento social polo perigo de altas emisións de contaminación electromagnética que conleva este tipo de instalación, e que debido ás prisas por ver o PXOM aprobado e sin consensualo, de espaldas á cidadanía, primeiro foi plantexada construir na zona do Touzal, na parroquia de Meira e na actualidade na zona de Trigás, na parroquia de San Martiño, preto de núcleos de vivendas.

A Consellería de Medio Ambiente e Desenvolvemento Sostible, concedeulle en novembro do 2007 a citada escepcionalidade ( rexeitando os comentarios que enviamos Luita Verde, a Federación Ecoloxista Galega e a Coordinadora pola Defensa do Litoral do Morrazo en Febreiro do 2007 solicitando a desestimación da escepcionalidade) pero condicionada á lei 6/2007 de protección do litoral e só lle falla o informe favorable en escasas datas por parte da Consellería de Política Territorial, Obras Públicas e Transporte, para a súa "aprobación definitiva". Dando por sentado que a Xunta de Galicia vai concederlle por "afinidade política" a aprobación definitiva ao PXOM (en Moaña cogobernan o BNG e o PSOE, igual que na Xunta) e que está previamente pactado por tódalas forzas políticas actualmente representadas no concello ( o PXOM foi aprobado inicialmente en setembro do 2005 e provisionalmente o 21 de maio de 2007 por BNG, PSOE, InMo e PP ou sexa todos os existentes na actual corporación) e por engadido tendo en conta como están as cousas despóis das alegacións, Luita Verde vai responder ó concello solicitándolle que xustifique o por que das desestimacións segundo a lei de procedemento administrativo,  vai enviar outra carta á Dirección Xeral de Urbanismo da Consellería de Política Territoria, Obras Públicas e Urbanismo advertíndolle dos graves incumprimentos legais do PXOM de Moaña e do que se arriscan no caso de darlle a súa aprobación definitiva; e vai presentar denuncia na UE por graves incumprimentos de directivas en materia medioambiental e de participación cidadana.