Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Despois de debutar o 29-F en Ferrol

Adri, da irmandiña do futsal, vai para a selección española

O xogador do Azkar Lugo, de 21 anos, foi seleccionado xunto co seu compañeiro, o madrileño Mimi.

Redacción - 11:48 11/03/2008
Adri

Adri

Adrián López, Adri (Ferrol, 1986) vai convocado polo seleccionador estatal de fútbol sala, José Venancio López, para xogar un amistoso a vindeira segunda feira 17 de marzo en Tenerife, ante a selección canaria. O encontro vai servir para homenaxear ao ex árbitro internacional Suso Torres.

Adri xa tiña debutado esta mesma tempada coa selección española sub-21, e o pasado 29 de febreiro saltou á pista coa camisola da irmandiña do futsal, na histórica estrea da selección nacional, en Ferrol.

Segundo contan dende o seu clube, o Azkar Lugo, este está a ser un gran ano para o mozo, unha promesa do futsal e unha das apostas do clube lugués.

Xunto con Adri tamén vai convocado o seu compañeiro de equipo, o madrileño Mimi.

Convocatoria completa para o amistoso:
Porteiros: Juanjo (ElPozo Murcia) e Jesús (Carnicer Torrejón).
Alas: Lin (Caja Segovia), Saúl (ElPozo Murcia), Adri (Azkar Lugo), Juanra (Carnicer Torrejón) e Borja (Móstoles 2008).
Pivotes: Dani Salgado (Playas de Castellón) e Rafa Múñoz (FC Barcelona Senseit).


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: