Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Decide o Consello Superior dos Deportes

Esta terza feira sábese se Vigo é a cidade elixida para ser candidata á Universiada

A outra candidata é Murcia, cuxo alcalde xa está máis calmado, despois de pedir a impugnación do proceso a pasada semana.

Redacción - 19:30 10/03/2008

A Comisión de Deporte Universitario do Consello Superior dos Deportes (CSD) ha decidir esta terza feira se Vigo vai ser a cidade candidata polo Estado Español a acoller a Universiada de 2013; ou se, pola contra, vai ser Murcia.

Durante a mañá a comisión ha escoller entre as dúas cidades, despois de valorar polo miúdo as súas candidaturas. Unha vez que se saiba o nome da cidade escollida, o alcalde vigués, Abel Caballero; o reitor da Universidade, Alberto Gago; e o tenente de alcalde e valedor da candidatura, Santiago Domínguez, han comparecer ante os medios.

Domínguez aínda afirmou esta segunda feira que Vigo "é a mellor candidata" e amosou a súa confianza de que o CSD decida "atendendo a criterios deportivos e técnicos, non políticos", como denunciou a pasada semana o alcalde de Murcia, Miguel Ángel Cámara (PP).


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: