Vieiros

Os atletas galegos vén de asinar unha grande actuación no campionato estatal de cross por clubes, disputado este domingo en Madrid.Lolo Penas, do Puma Chapín de Jerez, proclamouse vencedor de cross curto, mentres que no cross longo destacou Suso de la Fuente (do Aseficán Piélagos), que foi décimo, seguido de preto do campión galego Pedro Nimo, do U. Guadalajara (que foi undécimo).

Tamén éxitos das mulleres
Nas probas femininas destacaron Paula Mayobre (Puerto de Alicante), segunda; e Sandra Mosquera (Comesaña Sporting Club), terceira, na categoría júnior. Ademais, María Jesús Gestido (do Playas da Jandía), foi sétima en cross curto, mentres que a ferrolá Rocío Rodríguez (Puerto de Alicante) terminou décimo terceira. Por equipos, destacou a terceira posición do Ourense Academia Postal na categoría promesa mulleres e na cuarta en promesa homes.

En promesa, Iván Iglesias (Camargo Salgar), co cuarto posto foi o mellor galego, nunha proba na que o Ourense Academia Postal finalizou cuarto por equipos, con Marcos Fernández, sexto; e Juan A. Pousa chegando en novena posición.

Durante todo o día fixo moita calor nun circuíto case totalmente plano, con a penas dúas pequenas elevacións de terra e herba algo alta, competiron 2.400 atletas de 177 clubes de todo o Estado.