Vieiros

A situación en Gaza volve ser dramática. Os ataques do exército israelí deixaron alomenos 45 mortos no que vai de xornada, entre eles numerosos civís. O propio presidente da Autoridade Palestina, Mahmoud Abbas, sinalou que o que estaba acontecendo en Gaza está a ser "máis grave ca un holocausto". A ofensiva israelí foi especialmente virulenta a primeiras horas da mañá cando entraron unidades militares na franxa apoiadas por helicópteros.
 As autoridades israelís xustifican a masacre asegurando que se intenta combater as "infraestruturas terroristas" e evitar novos ataques contra as poboacións do sur de Israel, que este mércores causaron un morto. Médicos palestinos denunciaron que os soldados non permitiron a recollida dalgúns corpos que xacían na vía pública.