Vieiros

Vieiros de meu Perfil


Fwwwrando

RSS de Fwwwrando
SEGREDOS DE ESTADO

Atopan un disco do Ministerio do Interior británico nun portátil mercado en eBay

O CD, agochado debaixo do teclado, levaba as inscricións "Confidencial" e "Home Office".

Redacción - 11:00 29/02/2008
Web da Home Office

Web da Home Office

O goberno británico demostrou que non está a gardar con demasiado coidado os seus segredos. Unha pequena empresa de reparación de computadores atopou un disco coas inscricións "Confidencial" e "Home Office" (Ministerio do Interior) nun portátil que levaran a arranxar. O cliente asegurou que mercara o ordenador en eBay.

Un voceiro da empresa informática Leapfrog Computers contoulle a The Guardian que semellaba un portátil normal até que o abriron e atoparon o disco óptico agachado debaixo do teclado. "Puxemos o disco no lector para ver o que contiña, pero estaba codificado. Cando descubrín que pertencía a Interior metino na caixa forte e chamei á Policía. Os axentes estiveron case todo o día examinando o disco e mais o ordenador", dixo Lee Bevan.

Segundo o ministerio, tanto o disco óptico como o disco duro do computador estaban codificados, aínda que non se confirmou que o computador fose propiedade do goberno. E tamén se descoñece como puido rematar á venda en eBay.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: