Vieiros

Vieiros de meu Perfil


RSS de
Xerais08

O PPdeG di que se pode aumentar en 46 euros as pensións reducindo gasto na Xunta

Segundo o proxecto dos populares, cun recorte do 0,5% no gasto corrente do Goberno, pódense subir en 45,9 euros as pensións non contributivas de xubilación e invalidez de 53 mil persoas.

Redacción / Europa Press - 09:30 10/02/2008

O PPdeG aproveitou este sábado para avanzar en detalle a proposta que levará ao pleno do Parlamento o próximo martes e coa que pretende equiparar as pensións mínimas ao 75% do Indicador Público da Renda de Efectos Múltiple (Iprem), que substitúe o denominado antes "salario mínimo", e alcanzar unha contía mensual de 374,4 euros.

A voceira de Igualdade do Grupo Parlamentario Popular, Susana López Abella, explicou que esta proposta non de lei propón reducir o gasto corrente da Xunta de Galicia nun 0,5% para aumentar as pensións dos galegos en 45,9 euros no caso de xubilacións, o que suporía ingresar 550,8 euros máis ao ano para cada beneficiario, e duns 29,96 euros de medida máis, co que a contía media a percibir ao ano roldaría os 359,47 euros.

López Abella engadiu que nun momento no que o custo da vida está "disparado", subir as pensións máis baixas é unha "cuestión de xustiza", xa que se debe ter en conta que os seus preceptores son as persoas con, ao seu xuízo, "máis dificultades" para sobrevivir "con dignidade".

Feijoo di que o PP "mirará por Lugo" máis ca Xosé Blanco
O presidente do PPdeG, Alberto Núñez Feijoo, reivindicou "o compromiso" da candidatura do seu partido ao Congreso e ao Senado pola provincia de Lugo e contrapúxoa á que encabeza Xosé Blanco polo PSOE.



Feijoo afirmou que os populares presentan unha candidatura na que está "o Lugo das propostas e non o da calumnia constante e o insulto de Pepiño Blanco e de Ricardo Varela". A continuación, apelou ao presidente da Xunta e secretario xeral do PSdeG, Emilio Pérez Touriño, e ao cabeza de lista por Lugo, Xosé Blanco, a que se o seu o goberno socialista "ten palabra", que veñan á cidade e crucen a ponte nova que "tantas veces prometeron" e aínda non se construíu.



Por outro lado, o líder do PPdeG comezou a presentación este sábado na capital lucense da candidatura do PP ao Congreso e ao Senado pola provincia, felicitando a ordenación do novo bispo de Lugo, Alfonso Carrasco Rouco.


3/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: