Vieiros

O proxecto educativo consiste na explicación acesíbel aos usuarios/as tanto do proceso de compostaxe como da xestión dos residuos en xeral. Para isto, faise un seguimento dos composteiros, programándose tres visitas ao longo de sete meses. Na última visita faise unha avaliación do resultado do programa (parte técnica) e do propio proceso educativo.

O proxecto tecnolóxico consiste na instalación dun compostador, como novidade fronte á esterqueira tradicional. A avaliación técnica inclúe a inspección visual para determinar aspectos como a estrutura e o tipo de residuos depositados no compostador, coa determinación de humidade e temperatura. Outras determinacións coma as análises dos metais pesados, e outros permiten avaliar outros aspectos e resolver as posibles dúbidas sobre o balanzo ambiental.

Na comunicación presentaremos a experiencia adquirida neste período, así como os resultados de análises, conclusións e recomendacións no marco deste proxecto.