Vieiros

Vieiros de meu Perfil


Edición xeral

RSS de Edición xeral
Segundo o Consello de Europa

"As listas terroristas da UE e da ONU violan os Dereitos Humanos"

O organismo europeo considera que estas 'listas negras' non respectan os dereitos individuais fundamentais e son "totalmente arbitrarias".

Redacción - 13:05 24/01/2008
Dick Marty

Dick Marty

A Asemblea Parlamentaria do Consello de Europa (APCE) determinou esta cuarta feira que os procedementos da ONU e da Unión Europea para incluír a sospeitosos nas súas 'listas negras' de terroristas non respectan os dereitos individuais fundamentais e son "totalmente arbitrarias".

A APCE aprobou un informe neste senso, elaborado polo suízo Dick Marty -quen tamén investigou os voos da CIA- e pediu que tanto a lista da UE como a do Consello de Seguridade da ONU sexan examinadas de novo "no interese da credibilidade da loita internacional contra o terrorismo".

"A inxustiza é a mellor aliada do terrorismo e haina que combater tamén", subliñou Marty ao comezo do debate. Estas sancións pódense impor "sobre a base de simples sospeitas", recolle o informe, e considera que "é lamentábel e viola os Dereitos Humanos e as liberdades fundamentais".

Ademais salienta que hai unhas 370 persoas no mundo que teñen actualmente os seus bens conxelados e que non poden viaxar xa que foron inscritas na lista negra do Consello de Seguridade da ONU. Asemade, unhas 60 entidades figuran nunha lista similar da UE.


Ligazóns

4.2/5 (5 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: