Vieiros

Vigo acollerá un dos tres concertos que Nada Surf ofrecerán na Península, xunto a Madrid e Bilbao. Será na Sala A! o 15 de febreiro, con entradas a 18 euros.

A banda formada por Matthew Caws, Daniel Lorca e Ira Elliot presenta Lucky, un disco menos guitarreiro que os seus traballos anteriores, con máis teclados e medios tempos, un proceso iniciado en The Weight Is a Gift e que os afasta dos seus inicios (por exemplo o High/Low, publicado en 1996 e que constituíu o seu primeiro éxito). En Lucky, que estará dispoñíbel a partir do 8 de febreiro, colaboran nomes tan importantes como Ben Gibbard (Death Cab for a Cutie, Postal Service...), e chama a atención que en España non se venderá en tendas, senón que se repartirá gratuitamente aos asistentes aos seus tres concertos.