Vieiros

O xurado dos Premios de Xornalismo Gastronómico Álvaro Cunqueiro deu a coñecer os gañadores da XIV edición dos galardóns. Nunha gala que se vai celebrar o venres 25 de xaneiro entregaránselles cadansúa distinción á televisión Dez TV; ao libro 50 receitas con filloas, de Alvarellos Editora; ao xornalista Ignacio García Noriega, e ao blog Diario do gourmet de provincias e do can gastrónomo.

O premio ao mellor traballo xornalístico emitido en radios e televisións, dotado con 1.500 euros, recaeu na canle comarcal Dez TV, pola súa reportaxe Zobra, 60 anos de cocido, que saíu ao aire o 18 de novembro. Outros 1.000 euros foron para a mellor páxina web con contidos gastronómicos, polo traballo efectuado por Jorge Guitián Castromil durante os anos 2006 e 2007 no blog Diario do gourmet de provincias e do can gastrónomo.