Vieiros

Vieiros de meu Perfil


Máis Alá

Xestionado por Vieiros
RSS de Máis Alá
IBEROJAZZ'08

Homenaxe a Tete Montoliu na Coruña

Horacio Fumero Trío será o encargado de realizar o tributo, este xoves pola noite no Fórum Metropolitano, dentro do Festival Iberojazz'08.

Redacción - 18:05 17/01/2008

Iberojazz cumpre este ano a súa terceira edición, consolidándose entre os festivais de jazz da península. Esta semana ofrecerá dous novos concertos, ambos no Fórum Metropolitano. O primeiro deles, a noite do xoves, renderalle unha homenaxe ao pianista catalán Tete Montoliu, nun recital a cargo do arxentino Horacio Fumero Trío, con entradas entre sete e nove euros.

O concerto do venres, tamén ás nove da noite no Fórum, unirá no escenario a Musikene, o Combo do Centro superior de música do País Vasco, e a Cosmac, o Combo do Conservatorio Superior de Música da Coruña. Así mesmo, este xoves pola noite, unha vez remate o concerto do Horacio Fumero Trío, o Club Filloa acollerá unha jam session a cargo de Abuña Jazz.


2,67/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Horacio Fumero
Horacio Fumero
Tete Montoliu
Tete Montoliu