Vieiros

Segundo o secretario xeral da ONU, Ban Ki-moon, a nova páxina vai contribuír a facer que todo o mundo teña máis ganas de poñer algo de seu e de implicarse máis na consecución destes obxectivos.

MDGMonitor ten un mapa, que se vai actualizar periodicamente, no que se visualizan os indicadores dos oito obxectivos do milenio, que se han de conseguir antes de 2015: reducir á metade a poboación que pasa fame e que vive nunha pobreza extrema; universalizar a educación primaria; eliminar as desigualdades educativas entre homes e mulleres; reducir dous terzos da mortandade infantil; reducir tres cuartas partes da mortandade maternal; combatir o VIH, a malaria e as outras epidemias; asegurar a substentabilidade do medio; e ampliar a alianza mundial polo desenvolvemento.

O portal tamén ofrece as últimas noticias relacionadas con cada un dos Obxectivos do Milenio.