Vieiros

A última fin de semana antes do Nadal non é só para organizar ceas de amigos e compañeiros de traballo. Hai tamén tempo para a música. Ou iso parece, vendo a cantidade e calidade dos concertos programados estes días nas salas galegas. Chama a atención, sobre todo, que estes días visitarán Galiza algunhas das bandas revelación do 2007, comezando polos galegos Triángulo de Amor Bizarro (xoves e venres na Mardi Grass da Coruña), os madrileños Nothink (xoves en Vigo, venres en Pontevedra e sábado na Coruña) e Manos de Topo, con dous integrantes galegos e dous cataláns (venres en Vigo e sábado na Coruña). Ademais, Loretta Martin, Nao, Niño y Pistola, Meu ou Guezos completan o cartaz.

A fin de semana podería ter sido completa, de non terse suspendido o Festival Pop-Rock Nadal 2007, previsto para o sábado no Pavillón da Travesas de Vigo, e no que ían actuar Triángulo de Amor Bizarro, Dorian e Amaro Ferreiro.

Xoves 20
A Coruña. Triángulo de Amor Bizarro + Franc3s, Sala Mardigrass. 22:30h. 10 euros.
Vigo. Nothink + A Pedir de Milkhouse. Fábrica de Chocolate Club. 5 euros.

Venres 21
Baiona. Som do Galpom, Marrucho. 23:00h. Entrada libre.
Cariño. Guezos, Ogmios.
A Coruña. Triángulo de Amor Bizarro + Los Iribarnes, Sala Mardigrass. 22:30h. 10 euros.
A Coruña. Loretta Martin, Rock'n'Roll Bar. 22:30h.
O Porriño. Septiembre Negro. Liceum. 2/3 euros.
Pontevedra. Nothink + A Pedir de Milkhouse. Sala Karma. 4 euros.
Vigo. Manos de Topo, La Iguana Club.
Vigo. Nao + Fiona at Forty, Remache. 22:00h. 5 euros.

Sábado 22
Allariz. Niño y Pistola. Café Roi Xordo.
Caldas de Reis. Nao + Fiona at Forty, Zona Zero. 23:00h. 5 euros.
Carballo. Meu, Sala A Reserva. 23:00h. 6 euros.
A Coruña. Nothink + A Pedir de Milkhouse, Playa Club. 00:00h.
A Coruña. Manos de Topo, Sala Jazz Vides.
Ferrol. Som do Galpom. Fundación Artabria. 23:00h. 3 euros.
Portonovo. Los Iribarnes + Telephones Rouges, Woodstock.
Serra de Outes. Guezos, Café Concerto Antano.