Vieiros

Vieiros de meu Perfil


Fwwwrando

RSS de Fwwwrando
EXPERIMENTO DO MIT

Fan funcionar un superordenador a pedaladas

Un equipo de estudantes participou nun experimento sobre fontes de enerxía alternativas.

Redacción - 13:00 20/12/2007

Dez estudantes do Instituto de Tecnoloxía de Massachusetts (MIT) demostraron que só con pedaladas se pode facer funcionar un superordenador durante vinte minutos. A enerxía producida polas dinamos das bicicletas serviu para bater a marca mundial de computación mediante enerxía de orixe humana.

Segundo un voceiro dos estudantes, a sesión produciu máis cálculos que os que tiveron lugar nos 3.000 primeiros anos da civilización, e máis operacións aritméticas das que se fixeron en todo o mundo até 1960. Parte do mérito tena o superordenador, que emprega chips SC648 que só consomen oito vatios, fronte aos 100 que precisa, por exemplo, un computador portátil.Grazas á enerxía producida polos dez ciclistas, o ordenador calculou un modelo de fusión nuclear. O experimento, que aspira a entrar no libro Guinness dos récords, tamén participaba nun concurso organizado por Google e un fabricante de bicicletas para usar as pedaladas como fonte de enerxía sustentábel ara atopar fontes de enerxía sustentábeis, premiado con 5.000 dólares.


4,5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: