Vieiros

Vieiros de meu Perfil


Edición xeral

RSS de Edición xeral
O XUÍZO SERÁ O DÍA 20 NA CORUÑA

Piden catro anos de cadea para o responsábel de CIG-Transporte

Xesús Pastoriza está acusado de ter ocasionado danos no cristal dun autobús durante folga de La Unión en 2001.

Redacción - 13:25 19/12/2007

A acusación particular solicita para catro anos e seis meses de cárcere e o Ministerio Fiscal, tres anos e medio, ademais de ter que pagar unha multa e indemnizar á empresa. Acúsano de ter ocasionado danos nos cristais dun autobús da Empresa Monforte o 3 de marzo de 2001, no transcurso dunha folga de transportes.

A CIG denuncia que Pastoriza non foi identificado nin detido o día no que supostamente se produciron os feitos, e as acusacións baséanse na declaración dunha testemuña que afirma ter ter visto o vehículo do acusado nas proximidades do lugar onde estaba estacionado o autobús, no polígono de Bértoa, en Carballo. A Pastoriza impútanlle tamén a comisión dun delicto contra a liberdade dos traballadores, algo considerado absurdo pola CIG, pois a Empresa Monforte non se atopaba en folga.

O sindicato entende o proceso aberto contra Pastoriza "como un intento máis do Grupo Monbús, ao que pertence a Empresa Monforte, de amedrentar os sindicalistas". Considérano, polo tanto, dunha nova represalia contra a CIG por parte de Raúl López, propietario do Grupo Monbús, pois no momento en que tiveron lugar os feitos estaba en folga Transportes La Unión, unha das compañías que conforman o Grupo.

A vista contra Xesús Pastoriza celebrarase o xoves 20 de decembro, ás 10:00 horas, no Xulgado do Penal número 5 da Coruña.


Ligazóns

4,67/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Xesús Pastoriza, responsábel nacional de CIG-Transporte
Xesús Pastoriza, responsábel nacional de CIG-Transporte
Un momento da folga de Transportes La Unión, en 2001
Un momento da folga de Transportes La Unión, en 2001