Vieiros

Vieiros de meu Perfil


Edición xeral

RSS de Edición xeral
Detencións

A Policía vincula aos detidos cos atentados dos últimos meses

Din que están "directamente relacionados co ámbito radical independentista galego". "Non prevén" máis arrestos, tras rexistrar este venres tres pisos en Compostela.

Redacción - 10:50 15/12/2007
Un dos detidos, este venres

Un dos detidos, este venres

As Forzas e Corpos de Seguridade do Estado "non prevén" novas detencións tras o arresto nas primeiras horas deste venres de tres mozos que supostamente prevían colocar unha bomba en Portosín (Porto do Son, Noia).

Fontes próximas á investigación afirmaron que teñen relación cos atentados rexistrados nos últimos meses. Ademais, din que os rexistros domiciliarios emprendidos en tres pisos de Compostela remataron xa, e permitiron a intervención de "abundante información", tanto en formato dixital coma en soporte papel, que fixeron que o "groso" da operación estea finalizado.

Estas mesmas fontes admitiron como "claro" que os arrestados, menores de 20 anos de idade, están "directamente relacionados co ámbito radical independentista galego" e recoñeceron que "se pode falar" de Resistencia Galega como "opción firme", posto que así figura na documentación incautada. A documentación, afirman, permite "adiantar que as detencións achegan luz sobre feitos pasados", en referencia ás accións perpetradas "nos últimos meses".


4/5 (8 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: