Vieiros

Vieiros de meu Perfil


Edición xeral

RSS de Edición xeral
Debate no Congreso

Nin galego na escola, nin portugués na tele, a Rajoy preocúpalle o castelán

O presidente do goberno español, Rodríguez Zapatero, ironizou co feito de que "un de León" apoie máis o galego que un de Pontevedra.

Redacción - 13:00 13/12/2007

Antes xa fora o daquela voceiro de ERC no Congreso, Josep Lluís Carod-Rovira, e desta volta foi o presidente do goberno español, José Luís Rodríguez Zapatero, quen puxo en evidencia as posicións do líder do PP, Mariano Rajoy, aproveitando a cuestión lingüística.

"Chama a atención que un presidente do goberno que é de León teña unha posición cara ao galego máis favorábel que a dun líder da oposición que é de Galiza. Isto si que é sorprendente", respondeu Zapatero fronte á interpelación de Mariano Rajoy.

"Celebro que apoie vostede que se poida estudar portugués nas escolas, pero como presidente do goberno español a súa primeira obriga sería garantir que os escolares puidesen estudar castelán no seu sistema educativo", afirmara anteriormente o líder do PP na súa quenda de palabra.

O cruce produciuse despois da intervención de Francisco Rodríguez, quen solicitara o compromiso do executivo para a recepción das televisións portuguesas en Galiza. Ao respecto, Zapatero falou de dificultades técnicas, xurídicas e económicas. No Open Vieiros poden ver tamén a análise que o Movimento Defesa da Língua fai do acontecido na Cámara baixa.

Na web AGalega.info poden ver o extracto dese momento do debate.

Hai dous anos, e durante un debate sobre o proxecto de reforma do Estatut catalán, Carod Rovira respondera en galego a un comentario anterior de Rajoy agradecéndolle aos populares que canto máis falaran do seu partido "máis sube en votos" a formación liderada por Carod. Poden escoitar aquí o audio.


4.95/5 (19 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: