Vieiros

Vieiros de meu Perfil


Edición xeral

RSS de Edición xeral
LABORES DE PREVENCIÓN DE INCENDIOS FORESTAIS

Medio Rural contará con 14 helicópteros máis en 2008

O Consello da Xunta aprobou un investimento de catorce millóns de euros dstribuídos en dúas anualidades

Redacción - 18:35 22/11/2007

A Consellaría do Medio Rural contratará o servizo de 14 helicópteros con destino á prevención e extinción de incendios forestais durante os anos 2008-2009. Este servizo de medios aéreos deberá realizar o transporte de persoal e equipos de extinción ata as proximidades dos incendios e participar na súa extinción mediante lanzamento de auga, con ou sen retardantes ou espumantes, segundo dispoña o director de extinción.

As aeronaves contratadas quedan á exclusiva disposición de Medio Rural para a súa aplicación nas misións que se lles encomenden. Estímase, a efectos de cálculo orzamentario, que cada aeronave voará un valor medio de 50 horas mensuais. A área xeográfica de actuación será todo o territorio da Comunidade Autónoma de Galiza. Porén, cando as circunstancias e a consellaría o estimen necesario, esta área poderá ser ampliada a comunidades autónomas ou estados limítrofes.

O investimento, aprobado este xoves polo Consello da Xunta, ascende a 14.035.384 euros distribuídos en dúas anualidades.


3.33/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: