Vieiros

Vieiros de meu Perfil


Fwwwrando

RSS de Fwwwrando
APROVEITAMENTO DE INFRAESTRUTURAS

O executivo balear estenderá a banda larga ao mesmo tempo ca a TDT

Pretende completar no ano 2010 o apagamento analóxico e mais a cobertura total da internet sen fíos.

Redacción - 11:04 22/11/2007

O goberno balear pretende aproveitar as torres de TDT para estender a banda larga a todo o territorio das illas. A idea do executivo é que no ano 2010 se leve a través do espectro radioeléctrico tanto o sinal da televisión como a internet á totalidade da cidadanía.

Segundo o director xeral de Tecnoloxía e Comunicacións das illas, Antoni Machado, en declaracións a Vilaweb, o transporte da banda larga a través das ondas de radio é moito máis económico ca o tendido de cables até os lugares máis illados.

Machado argumenta que, xa que no ano 2010 a lei de administración electrónica obriga a que algúns trámites municipais se fagan pola internet, nese momento a banda larga terá que estar dispoñíbel en todos os currunchos das illas. Polo tanto, apoiará os concellos para que implanten redes wifi nos seus termos municipais e procurará que os operadores acheguen as conexións a todos os cidadáns.

A idea balear podería ser tamén de aplicación no noso país, onde a orografía do terreo e a dispersión da poboación dificultan a chegada das tecnoloxías da información e da comunicación á cidadanía.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: