Vieiros

Até cinco se rexistraban onte nun período de 24 horas en Burés aos que engadir unha espectacular volta de campá esta mesma mañán de venres no mesmo lugar. A coincidencia en se produciren fóra das horas de máis intensidade de tráfico semella apuntar a excesos de velocidade, mais está a estranar este amoreamento dos sinistros nun período tan concreto de tempo o que obrigará aos responsábeis a investigar tamén a situación do firme da estrada ou outras anomalías alén da velocidade. Nos sinistros non se produciron desgrazas persoais, á espera da información deste último acidente no que se persoaron a Garda Civil e a Protección Civil rianxeira.