Vieiros

Vieiros de meu Perfil


Fwwwrando

RSS de Fwwwrando
PERIGO PARA OS INTERNAUTAS

Bruxelas abre unha investigación sobre o rescate de DoubleClick por Google

Despois de que Facebook se adicara a vender o perfil dos seus internautas aos publicitarios, a Comisión Europea bloqueou onte, temporalmente, a compra do control propagandístico DoubleClick por Google.

Redacción - 18:48 14/11/2007

O pasado mes de abril, o xigante americano anunciara querer readquirir a DoubleClick por 3,1 mil millóns de dólares (2,12 mil millóns de euros). Desde entón, as autoridades australianas da competencia e o regulador brasileiro deron luz verde. Pola súa banda, o executivo europeu anunciou abrir unha investigación profunda sobre os riscos de "prácticas contrarias á competencia" e de "prexuízos aos consumidores". A dirección da competencia comprométese a facer unha análise de cinco meses e deberá pronunciarse o 2 de abril de 2008.

Ameaza sobre a vida privada dos internautas

Se a Comisión Europea advertiu que non se interesaría máis ca polo impacto que esta compra terá no mercado, as críticas refírense principalmente aos riscos de atentados contra a vida privada. Google xa é un coloso da información. Con DoubleClick converteríase nunha entidade comercial que saberá máis sobre os usuarios que os propios usuarios. DoubleClick é a sociedade de publicidade online máis importante. Actúa como un intermediario entre publicistas e editores de sitios de Internet, organizando a colocación de publicidade sobre as páxinas web.

Nos Estados Unidos, o Federal Trade Comisión (FTC) debería, pola súa banda, emitir o seu ditame de aquí a finais do ano. Fai sete anos, segundo Wired, a FTC xa se preocupara pola compra de DoubleClick de Abacus, a máis importante base de datos persoais americanos.


3/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: