Vieiros

Vieiros de meu Perfil


Fwwwrando

RSS de Fwwwrando
PRETENDEN ASÍ ACABAR COA HEXEMONÍA DE APPLE NO SECTOR

Microsoft xa ten a súa alternativa ó poderoso iPod

Chámase Zune e vaise lanzar á venda en Estados Unidos coa novidade de que inclúe, de forma gratuíta, a posibilidade de personalizar a parte de atrás do aparato cun gravado en láser, a elixir entre os deseños de 18 artistas internacionais.

Redacción - 13:26 14/11/2007
Zune vs. iPod

Zune vs. iPod

E é que o Zune non é novo de todo, senón que se trata dunha nova versión do reproductor de 30 xigabytes que xa se lanzara hai un ano e que conseguiu máis dun millón de vendas.

Pero esas cifras non se achegaban no máis mínimo ás de Apple, que co seu poderoso iPod acapara o 70 por centro do mercado. Así que Microsoft decidiu propoñer unha nova alternativa, un reproductor que, segundo José Espiñeira, director de Mercadotecnia Multicultural de Microsoft, "vai cambiar o xogo no sector".

Entre as novidades do Zune, destacan a conexión sen fíos que permite compartir cancións outros usuarios, o sistema de sincronización que actualiza de forma automática o dispositivo a través de internet e unha capacidade de 80 xigabytes.

A renovación non queda só no reproductor, senón que Microsoft expándea a unha comunidade en Internet, chamada "Zune social", na que os usuarios poderán intercambiar arquivos, engadir amigos, acceder a listas de cancións e ler a discografía dos artistas.

A nova liña de Zune non ten aínda unha data prevista para a súa chegada ó mercado español.


4.33/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: